ከመጽሐፉ የተወሰደ፦
አክሱማይ ሲራክ በተባለው ከአንድ ሺ ዓመት በፊት በነበረው የታሪክ ሰው በተላለፈልን ፣ እንዲሁም የዘአንዳ-ቤቱ ዘግዱር አማካኝነት የደረሱን ከሶስት ሺ ዐመታት በላይ ባስቆጠሩ ጽሑፎች ውስጥ በተለይም በ መጽሐፈ- ነገሥት ዘ ኢትዮጵያ የጥንት ታሪካችን መረጃ መሰረት ሁለቱም ፣ ኦሮሞም አማራም እንዲሁም ሁሉም ኢትዮጵያውያን የአንድ አባትና እናት ልጆች ናቸው።ያ የጥንት አባታችን መልከጼዴቅ ይባላል። እርሱም የሰላም እና የጽድቅ ንጉሥ፣ እንዲሁም በምድሪቱ ላይ ከፍተኛው የእግዚአብሔር ካህን የነበረ፣ ኢየሩሳሌምን የገነባ፣ አብርሀም እና የሌሎችም ነገሥታት ጎንበስ ብለው እጅ የነሱት እና ምርቃቱን ለማግኘት ዐሥራት የገቡለት ሰው ነው። ዕብ.7:127 የእሱ ሚስት እናታችን ሳሌም ነበረች ። አባታችን ያሳደጋትን ከተማ ለእናታችን መታሰቢያ ሳሌም ወይም እየሩሳሌም አላት። ሰማያዊ ሰላም ማለት ነው። ይህ አፈ-ታሪክ አይደለም፤ ተረትም አይደለም። የተመዘገበ እውነተኛ ታሪክ እንጂ።