ዓለማየሁ ሞገስ በ፲፱፲፰ ዓ.ም. ተወለዱ፡፡ ዕድሜያቸው ለትምህርት ሲደርስ ባህላዊ ትምህርት ቤት ገብተው ዜማ ተማሩ፡፡ ጣሊያን ሀገራችንን በወረረች ጊዜ የአርበኝነት ግጥም እየገጠሙ የአርበኞችን ወኔ ይቀሰቅሱ ነበር። የግዕዝን ዐዋጅ አገባብና የቅኔን ሥርዓት በአጭር ጊዜ የተማሩት በግላቸው ጥረት በቤት ውስጥ ነበር። ከዚያም በ፲፱፴፮ ዓ.ም. በቅኔ መምህርነት ተመረቁ፡፡ በ፲፱፴፰ ዓ.ም. ዘመናዊ ትምህርት ጀመሩ፡፡ በአዲስ አበባ ዩኒቨርሲቲ በቋንቋና በታሪክ ሁለት የቢ.ኤ.ዲግሪና በኢጣሊያን አገር የሥነ ጽሑፍ ዲግሪ አግኝተዋል። በተጨማሪም ግዕዝ፣ ትግርኛ፣ ግሪክ፣ ጣሊያንኛ፣ ፈረንሳይኛና እንግሊዝኛ ቋንቋ ያውቃሉ። ላቲን ዐረብኛና ቱርክ ያነባሉ። አብዛኞቹ መጻሕፍታቸው በግዕዝ ማስተማሪያነት የሚያገለግሉ ሲሆን በልዩ ልዩ ርዕሰ ጉዳዮች የጻፏቸውም ድርሰቶች ቁጥር በርካታ ናቸው።

ምንጭ: የኢትዮዽያ ደራሲያን ማህበር ለሚሊኒየም ያሳተመው አጀንዳ።